كفاية غُنا !!
وكأنك بتضحك علي خيبتك بالغنا …
اتختم علي قفاك كل مرة وغني …
استني موت اعز ناسك وغني …
ارضي بسلب حقك واستقبل ذُلك بابتسامة وغني …
كمل غُنا … اثناء طعنك بالرصاص و حقنك بالمهانة … كمل غنا
كمل كمان … وكل ما يزيد الوجع علي صوتك … ماهو اصل طول ما انت ساكن هايزيد الوجع ف هايعلي صوتك بس مش بالاهات … بالغني !!
وشغل غناك في خلفية مشهد موت الحق …و اقف اتفرج ... هاتلاقي الاتنين جودتهم واحدة … صفر
شغل شرايطك القديمة وسجل جديد … واكتفي … بالاغاني …
اكتفي بيهم مهما كتروا … هايفضل الحق يموت وهاتفضل دي … برضه اغاني
طب بص ! لو لي عندك خاطر !! انا لي عندك طلب !! … ممكن كفاية غنا !!
يمكن مفعول تسكينه للوجع يزول … وتتوجع بقي … فا تطلع آهك من غير نغم ماسخ … ف تتألم بجد … وتحزن بجد … من غير عود وناي … ولا تقسيم الحان وقانون وكمنجة اقصي صراخها مسجون في 8 نغمات … و ولا بتحس
بطل غنا !! يمكن لما حلقك يتكوي بمر الوجع وتصرخ … تحس علي دمك وتقوم … وتقول يا حقي يا موتي ...
اصلك لو ماقومتش !! مش هايبقي فيها حقي ... هيبقي فيها تاني موتي ...
اصلك لو ماقومتش .... مش هايبقي فيها بكرة …
يمكن لما تصرخ تسمع في صدي صرختك … اخر صرخة للصديق قبل موته … تسمع صرخة نهايته ف من جواااك تتهز
كفاية غنا … كفاية تختزل نواحك علي صديق العمر اللي راح … في غنوة …مش الهتاف بأسمه هو اللي هايخلد ذكراه ولا هايجيب حقه … ولا حقنا
و ولا انت عاجز ولا قليل الحيلة يا عيني … انت بس فالح تسيب دمه ينادي في الارض وقاعد تندب زي الولايا … بس فرقك عنهم … انك بتندب بالاناشيد … ندب متلحن يعني …
ارجوك كفاية غنا !! كفاية غناوي تخدر احساسانا بمصيبة قرب ضياع وطن … فا تقنع شعب كامل باغانيك ان مصر ست الجميع … وان حقنا جاي ومش هايضيع … فووووق !! ولا مصر فضلت عالية ولا فضل لينا حق … مصر عجوزة فقيرة عامية … دايرة في الشوارع تنادي عليك … لحد ما الحلق من الندا اتشق …
بس لو كنت هاتكمل غنا وتفضل سايبنا في الشوارع نعافر … امانة عليك … انت و كل بتوع الاغاني … امسك كفن اخوك .... وبيه اتداري .... امسك كفن اخوك .... واعمله طرحة وبيه اتلف
.
اصل غناك فات اوانه .... ولو لسه مصمم تغني … يبقي مكانك احسن بين البنات مش وسطنا …
وكمان غناك تعب وداني … قلبي تعب من كتر الاغاني … عيش في واقعك انت بعيد وسيبني في واقعي اموت شهيد …
و امانة عليك يا شيخ لما اموت … ماتغنيش
سيب اللي حافظ مرار طعم دم العزيز وفراقه
يقويني في مماتي .... وياخد لي حقي
وكأنك بتضحك علي خيبتك بالغنا …
اتختم علي قفاك كل مرة وغني …
استني موت اعز ناسك وغني …
ارضي بسلب حقك واستقبل ذُلك بابتسامة وغني …
كمل غُنا … اثناء طعنك بالرصاص و حقنك بالمهانة … كمل غنا
كمل كمان … وكل ما يزيد الوجع علي صوتك … ماهو اصل طول ما انت ساكن هايزيد الوجع ف هايعلي صوتك بس مش بالاهات … بالغني !!
وشغل غناك في خلفية مشهد موت الحق …و اقف اتفرج ... هاتلاقي الاتنين جودتهم واحدة … صفر
شغل شرايطك القديمة وسجل جديد … واكتفي … بالاغاني …
اكتفي بيهم مهما كتروا … هايفضل الحق يموت وهاتفضل دي … برضه اغاني
طب بص ! لو لي عندك خاطر !! انا لي عندك طلب !! … ممكن كفاية غنا !!
يمكن مفعول تسكينه للوجع يزول … وتتوجع بقي … فا تطلع آهك من غير نغم ماسخ … ف تتألم بجد … وتحزن بجد … من غير عود وناي … ولا تقسيم الحان وقانون وكمنجة اقصي صراخها مسجون في 8 نغمات … و ولا بتحس
بطل غنا !! يمكن لما حلقك يتكوي بمر الوجع وتصرخ … تحس علي دمك وتقوم … وتقول يا حقي يا موتي ...
اصلك لو ماقومتش !! مش هايبقي فيها حقي ... هيبقي فيها تاني موتي ...
اصلك لو ماقومتش .... مش هايبقي فيها بكرة …
يمكن لما تصرخ تسمع في صدي صرختك … اخر صرخة للصديق قبل موته … تسمع صرخة نهايته ف من جواااك تتهز
كفاية غنا … كفاية تختزل نواحك علي صديق العمر اللي راح … في غنوة …مش الهتاف بأسمه هو اللي هايخلد ذكراه ولا هايجيب حقه … ولا حقنا
و ولا انت عاجز ولا قليل الحيلة يا عيني … انت بس فالح تسيب دمه ينادي في الارض وقاعد تندب زي الولايا … بس فرقك عنهم … انك بتندب بالاناشيد … ندب متلحن يعني …
ارجوك كفاية غنا !! كفاية غناوي تخدر احساسانا بمصيبة قرب ضياع وطن … فا تقنع شعب كامل باغانيك ان مصر ست الجميع … وان حقنا جاي ومش هايضيع … فووووق !! ولا مصر فضلت عالية ولا فضل لينا حق … مصر عجوزة فقيرة عامية … دايرة في الشوارع تنادي عليك … لحد ما الحلق من الندا اتشق …
بس لو كنت هاتكمل غنا وتفضل سايبنا في الشوارع نعافر … امانة عليك … انت و كل بتوع الاغاني … امسك كفن اخوك .... وبيه اتداري .... امسك كفن اخوك .... واعمله طرحة وبيه اتلف
.
اصل غناك فات اوانه .... ولو لسه مصمم تغني … يبقي مكانك احسن بين البنات مش وسطنا …
وكمان غناك تعب وداني … قلبي تعب من كتر الاغاني … عيش في واقعك انت بعيد وسيبني في واقعي اموت شهيد …
و امانة عليك يا شيخ لما اموت … ماتغنيش
سيب اللي حافظ مرار طعم دم العزيز وفراقه
يقويني في مماتي .... وياخد لي حقي
دوستى ع الجرح. :")
ReplyDelete