الأفعال …

المضارع … يعيش …
ده المفروض !!
لكن الواقع !
انه عالدنيا … مفروض
غصبٍ عنه دخلها
مرفوض
مش بتصالحه
ولا بالعافية
ولا لو قدم
لجلالها فروض
مش متأكد
اذا كان عايش
او كان شئ
معروض
سكة طويلة
شايفها !!
طوييييلة
وبدايتها
طريق مسدود
الامر : عييييش
ساير الدنيا
وكل فيها عيش
خد من الناس
وان طلبوا هم
قول مامعيش
اصلها ليها
مع الغني
كلام
والمحتاج
بتقول له سلام
و اخرهم
انسان واحد
في تراب بينام
بس انت ! تمام
تيجي وتروح
في امان وسلام
و ان راحت الروح
هاتروح لظلام
بس تعالي
وقول بالذمة !!
مش تستاهل !
تتعب حبة كمان
في الاخر
بس تعيش …
ايوه … عييييش
والماضي : عاش
مش متأكد !
عاشها بجد !
ولا راح العمر
بلاش
لما تعاني
بعد الموت
تطلب يوم
وترد الدنيا تقول
ماعهاش
عمرك صورة
و الاخر لو ضلمة
يبقي نسيت
تلاقيلها فلاش
نور بينور !
واما بيظهر
صورة العمر
تقولك : عاااش
يعيش
عيش
عاش
الافعال نادت
م القبر
قالت بعد ما
دقنا المر
واتمرمطنا
وخلص العمر
اوعي تعيش
في الماضي والامر
اوعي تنزل هنا
وزي الكرام
علينا تمر
بروز حياتك كده
وبص من بعيد
تستاهل تتشاف !!
ولا نقول stop
ومن الاول … عيد
ارفع عينك
لأعلي اماني
كون الفرق !!
كون الراحة
لناس بتعاني
اوعي تعيش
والميت هدفك
اوعي يكون
الموت لينا حدفك
بص من الاول
لأخرها
ولو تستاهل !
ياللا عيشها
افهم انه !
من اول ما تجيها
كل ما فيها
بيقول لك
عيييييش
قبل ما مرة
ترد الدنيا :
لقد نفذ رصيدكم
نأسف … مفييييش

مات الكلام !!

الدم سال
والمُر … حال
طب فين المجال
لكلام يعيش
الحق …نور
والضلمة … بور
عاش اللي خلي
مظلوم … يعيش
مين اللي قال !!
اذا قلبي مال
وف وطني دوبت
اني اموت شهيد
انا مش عايز
اسيبه وحيد !!
دمي … ثمن
ثمن الكلام
ولو دمي راح !!
مات الكلام
قام الفقير
مسك الزمام
وقال للكلام
اركن كده !!
ماعدتش مع ذلي
تاني في رضا
زلزل شوارع
واتصاب هناك
وكلامه واقف
شايفه يصارع
ومن كسفته
مات الكلام
فاكر في مرة
ندهت : يا حرة
وقلت هاكون لك
ستر وامان
ويبقي لك مكان
اهه كله كلام
واديك سامعني
ولا كنتلها ستر
ولا سال دمك
وهديتها عمر
وفي الحالة دي
لازم
يموت الكلام
رفع الظلم … العلم
والقتيل صار متهم
والعدل عمره
ما اتفهم
اصل قتال الناس
… حر
والظلم طعمه
لسه مر
لو يوم بس نسيب
السما
بعدالتها تحكم
هنا
كان الغليل
قلبه اتشفي
ونهر ناره …
زمانه اتطفي
لكن ده كله
كلام
وصبرك اصله
وهم
ربك حكيم علام
عارف بتمن الدم
ولحين بس ما
يقول … هو !!
كل لسان فيكم
يتلم
ويموت الكلام
وان عاش كلام
بيبقي بتمن
مدفوع ف حروفه
ميت كفن
ستروا صحابهم
من برد دنيا
سابوها وراحوا
لدنيا تانية
مافيهاش
موت للكلام
طب ليه مفيش
جنه هنا
تحفظ وعودي
وابقي لسكة حريتي
حافظ مش بارتجل
تعب الكلام
ومرض واتكل
واتكتب عالشاهد
خليك يا زمن
شاهد
بسبب البشر
رقد من غير سلام
ومات … الكلام

وقتٌ معها …

جلستُ … احادثها …
كم تغيرت وتبدل حالها …
رأيت … حزنا في عينيها
يرسم جبلا …
ضَمت … بارتباك كفيها
كأنها لم ترني … قبلا …
اكاد اذكرها طفلة …
تري الكون بلون الربيع
لم تكن الحرية انذاك فكرة
كانت -في نفسِها-
املا … لا يضيع
كان
صوتها الطفولي المألوف
يروي شقوق العجز فيَ
سلامها الفطري
كان علي روحي … يطوف
اعتدت انا
حسن البسمة
كان فرحها ثابتا
لا يقبل القسمة
الان …
اصاب انعكاس صورتي
في عينيها
انكسار …
مثل ما اصاب روحها
وفي حربها
مع الالم استحال
الانتصار …
لم تعد هي
تبدلت
فقدت احساسها بي
وتبلدت
اصبحت دنياها …
سيان
صباحها كضحاها …
صارت بلا الوان
فكت انطباق شفتيها
بعد زمن صمت طال
و لكنها اطبقت جفنيها
وهنا نهر دمع … سال
روت كيف استوحش الزمن
كان منهجه
علي كل الوان العذاب
يشتمل
وانا اعلم ان قلبها
ارق من ان يحتمل
ضاعت رفعة الروح
وصار الفؤاد متيبس
غير قادر علي البوح
بنصف بسمة … هي
بعد ان كانت
حرة … ابية
ولو كان قد طال الصمود
الان تسمع اهاتها
خلف كلامها تسود
صعقني ما نابها
اسكتني الذهول
اتسعت عيناي دهشة
كانت حائرة …
علي طفلتي تبحث …
تجول
نفضت عن عيني دموعي
ونهضت
وفي النهاية ادركت
انني كنت قد مكثت دهرا
انظر لانعكاسي …
… في المرآة