حس اول نقطة مطر … تخبط في وشك
افتكر اول نقطة مزيكا … خبطت في روحك
وافتكر اول نقطة حب … خبطت في قلبك :)
سكة الحب … سكة حياة
اول ما تخبط في ارضها نقط المزيكا والحب … تلاقي نبات الفرحة الاخضر بيعافر في صحرت حياتك … عايز يلونها , عايز يكبر ويطرح لونه الاخضر وخيره في كل حتة
شايف الأوضة الضلمة دي !! ايوه اللي جواك في الركن بعييييد عند اقدم شرخ عميق في حيطانك
طب شايف الولد الصغير اللي قاعد كمشان في ابعد زاوية !! بردان ومحبط وموجوع وروحه العجوزة مكتفاه !!
بطل تمسك شمسية الكآبة واليأس فوقك
وسيب فرصة للمطر يوصل هناك … يغرق شقوقك ويدفيها بالفرحة
وينزل يزغزغ الولد الصغير العجوز :')
يمكن ساعتها … وجعك يخف
يمكن ساعتها … روحك ترجع شباب ويرجع الطفل اللي جواك يضحك من قلبه :)
سيب مزيكا الحب وحب المزيكا يغرقوك بنورهم
المزيكا شباب الروح
والحب شباب القلب
والمطر … شباب كل أرض بور :)
